الام المثالية ( مقارنة ).

هذه المقارنة نبين لكم كيف توصي الأم الهاي ولدها قبل الذهاب إلى المدرسة وبالمقابل شوفو الأم الهظيك شو بتقول لأبنها

الأم الهاي: لا تنسى مامي تأكل الكورواسو في البريك

الأم الهظيك: يمه... صندويشة الزعتر بالكيس أوعه

يلطشوها منك

الأم الهاي: خليك عالرسيف لبين ما ييجي الباس واوعا من هدول اللي بيشحتو

الأم الهظيك: بتروح عالمدرسة دوز دوغري ويا ويلك إذا بعرف انك شلفت اليوم

هاي: زي ما وسيتك ابعد عن الشلة النوتي اللي بتآكل السندويتش تبعك

هظيك: أوعى ألاقيك ظارب الأولاد زي أمبارح هي معك شلن اشتري اللي بدك اياه وبلاش تاكل صندويشات صحابك غصبة عنهم

هاي: مامي دونت فورجيت لما ترجع ما رح تلافيني في البيت عندي جيم متأخر اليوم خلي الشغالة تسخنلك البرغر

هظيك: بترجع من المدرسة عالدار على طول وبلاش صرمحة بالشوارع تراني عاملتلك صحن مجدرة من الآخر

هاي: على فكرة المس كتير زعلانه منك وبعتتلي مسج انك صاير نوتي في الصف

هظيك: ولا... ابوك بقول انه الاساتذة بشدوا شعرهم منك.. دير بالك وبلاش تزعلهم ما اسمهم الا بني آدمين زينا

هاي: مامي لما تروح لا تقتع الشارع واستنى بابي لما يوصل

هظيك: لما تقطع الشوارع لا تمشي زي الملطوش مش ناقصين مصايب بيكفي السنة الماظية اندعست عشر مرات

هاي: على فكرة أنا كتير كتير upset منك قالوا إلي شافوا بالهاند باغ تبعك سجاير

هظيك: قال بتحمل موس بشنطتك يا واطي... ولك خليك عالشفرة وهيها مستورة

هاي: قول لسحابك ميمي وتوتو ييجوا على عيد ميلاد اختك نانا

هظيك: قول لصحابك عمر واسماعين ييجوا يتضلغصوا عنا بكرة حرام امهم ما بتعرف تعمل كرشات زينا

هاي: مامي خليك كلاس مع المس تبعك ولو دليت هيك بجبلك موبايل جديد

هظيك: اذا رجع هاظا الأستاذ وظربك بالعصاي لا تحكي معه واتركني أروح أتفاهم معه هو مفكرنا لاقينك بالشارع

هاي: كتبت شيك لاستاز اللانجلش والعربي والرياده وخليته مع الشغالة لما ييجوا اعتيهم إياه... اففففف تاخرت عالجوكينغ عاجبك هيك هلأ سوسو بتدايأ

هظيك: الأستاذ اللي قالكو انه ممكن يعطيكوا دروس خصوصي قول له روح لاقي امي بكرة بالوزارة يا شاطر