قصتي ........وقصتك...........!!!

بنت بسيطة من هاد الزمان عايشة حياتها بشكل عادي مو مهتمة لاي شي بالكون .... انجرحت من اعز صديقة عندها والي كانت بتقرب الها ... ومن بعد هاد الجرح الكبير الي حصل قررت ما تبكي مشان حد لانو اللي جرحها رح يجي يوم وينجرح وسامحتها وكلت امرها لربها...وربنا عوضها عن هادي البنت بخمس بنات ومن احسن الصديقات وافضلهم بصراحة ما كانت تهتم بحالها كتير بس كان في جواتها بنت كتير حلوة وهاد مو حكيها لا حكي الناس عنها وبالاخص كانت بتملك عيون خضرا ومن اجمل العيون بس كانت مشكلتهم انو الدمعة فيهم ... حسب ما حكو عنها هي بنت بريئة حساسة وطيبة كتير بتنجرح ومع هيك بتسامح والافضل عندها تنجرح بس ما تجرح اي حد لانها بنت بتقدر المشاعر والاحاسيس

كانت تهتم بدراستها الي كانت تعتبرها اهم شي عندها عدت مرحلة الثانوية وهي هلأ بالجامعة بتدرس ... ابل فترة اتعرفت على شاب دخلت حياتو ودخل حياتها من دون ما يحسو ولا حتى يشعرو يمكن بتسأل حالك كيف اتعرفو على بعض انا رح احكيلك .....
اتعرفو على بعض عن طريق النت وكانت دايما اذا حد سالها شو رايك بالحب كانت تحكي اجمل شعور ممكن اتحس بيه والاجمل فيه عذابو بس انا الحمد لله انحرمت وحرمت حالي منو .. ووقت الي يسالوها شو رايك بالحب عن طريق النت تحكي "ممكن تعمل صداقة عن طريق النت وتكون صداقة كتير حلوة بس ما بدوم لفترة طويلة لانو بتيجي لحظة كل واحد بروح بطريقو اما بالنسبة للحب ما فيك تعتمد على كلام اتشوفو من خلال شاشة الحب احساس ومشاعر ابل ما يكون كلام يعني انا ما بقتنع بهاد الشي "

بعد ما اتعرفت على هاد الشاب الي كان مجروح وحيد متلها وحكت معو بصراحة وحكى معها بصراحة ارتاحت الو وطبعا ما كان هاد من اول مره حكو فيها مع بعض لا صار في نوع من الثقة بينهم ما كانت تحكي كتير معو بالاول لانو هو بيشتغل بعيد عن مكان سكنو وهي مو دائما بتكون موجودة يعني بحكو مع بعض بالصدفة ... وشاء القدر انو تكون في فترة يجتمعو فيها ويحكو كتير عن حياتهم واطباعهم وامور الدنيا والكون وشوي بالحب واتفقو يكونو اصدقاء وبس لانو ولا حد فيهم الظاهر مفكر بالحب

صارت الامور بينهم بسرعة .... يفتقدو بعض لما يغيب واحد فيهم حاولت تبعد عنو وما قدرت وهو كمان نفس الشي كانت كل ما تكون بدها اتروح يحكيلها خليكي كمان شوي ما كانت تعرف شو الي جابرها اضل ولا هو كان يعرف ليه بيطلب منها اضل ما كانو يعرفو انهم وقعو بشباك الحب

صارت هي اتغير بحالها شوي ... بدت تهتم بحالها من دون ما تعرف السبب مرتاحة كتير من جواتها وحاسة انو الكون فرحان الها ... وهو صار يطلع من جو الجرح والحزن والوحدة وما عاد يحس بيهم ... وكانو الدنيا ضحكتلو من جديد لوقت ما حس انو هاد حب واتاكد من مشاعرو .. صارحها بمشاعرو وحكالها كل شي بالبو بطريقة انو مو هو الي وقع بالحب لا بطريقة انو صاحبو الي بحب وحدة ومو عارف كيف يحكي للي بحبها مشاعرو فهي حكت انو يصارحها احسن ويشوف هو شو موقفها وما عمل هيك لشي بس لحتى يتاكد انو ما رح يخسرها وعدى يوم ويومين وفجأة قرر يصارحها وحكالها كل شي وانو قصة صاحبو هي قصتو .. سمعتو وحكتلو بدي افكر بموضوعك .. وهي مفكرة بس بدها تتاكد من هاد الشي وخايفة يكون تعود ..

اتاكدت من مشاعرها وحكتلو انها هي كمان بتحبو وطبعا ما ضلت العلاقة بينهم عن طريق النت وبس شافها وشافتو وكل يوم حبهم بكبر وبكبر كانت تستناه لما يبعد عنها مشان مشكلة اتصير بينهم لانو كان بطبعو ببعد عن الي بحبهم وقت الي بزعل حتى ما يجرحهم ..هي كانت اضل اتحبو واضل تدعي ربنا حتى يجمعهم مرة تانية وبالرغم من الحزن الي تحس فيه تكون قوية وما تفقد الامل برجوعو حتى لو طول بغيابو ...

هو كان دايما يستنى منها شي حتى وهم متزاعلين ووقت الي ما يوصلو شي منها يدايق ويضل عندو امل باللقاء من جديد واحلى فرحة عندهم وقت الي يرجعو لبعض من بعد المشاكل الي اتصير .. وكل مشكلة كان يكون في شي حلو من بعدها يعني يعرفو قيمة كل واحد عند التاني .. وانهم ما بعيشو من دون بعض...ويوثقو ببعض اكتر واكتر ... حب كبير الله يخليلهم اياه

لوقت اجى وهو ما عاد يحس بحبها متل الاول هي انشغلت من طرفها وكان كل يوم متل التاني ورغم انها انجرحت لما عرفت مع هيك ما استسلمت وما رضت تخسر هاد الحب كانت متاكدة انو في حب بالبو بس الملل غطى عليه وقررت اتحاول مرة تانية وفعلا قدرت وهو صار يحبها اكتر من الاول وفعلا اتحس بانو بحبها اكتر بكتير من الاول وهي نست الجرح الي كان وبالعكس فرحة رجعوهم لبعض والحب الكبير الي صار مسح اي جرح صار كل واحد فيهم لما بشوف التاني بحس انو ملك الكون بصير طاير من الفرحة حبهم لبعض حب حقيقي بعيد عن الانانية والتزيف والخيانة حب بجد حب صادق يمكن قليل ما انشوفو بهاد الكون

وبهادي الايام هم ابعدو عن بعض مو منهم بس شاء القدر وارادت ربنا هو طلبها للزواج اول مره بس اهلها رفضو ومع وضلو يحكو مع بعض ليوم اهلها عرفو ان بحكي معها صارت مشكله ورد طلبها كمان مره ورفضو وبهدلو وتأسفبهم وضل بدو يتقدملها بعت ناس ليطلبو واهلها رفضو هيك ما شالتو من تفكيرها وبتعرف انها اتغيرت مشان هاد الانسان وانها عايشة مشان هاد الانسان وكل يوم ابل ما اتنام بتحكي معو بتروح بتوقف ع شباك غرفتها وبضل تحكي مع النجوم والسما وتدعي لربنا يجمعهم ويصير الي بحلمو فيه وكل يوم بتحس انها بتموت لانها ما بتعرف شي عنو واذا كان بخير او لاء وساعات بتفقد احساسها برجلها من كتر الالم الي حاسة بيه والله بيعلم بحالها

باعت كل الناس مشانو ومشان حبها الي ما كانت تقدر انو تخسرو بأي لحظة ضلت ع الوعد الي بينهم وما بترضى بغيرو ولا حتى بدها الحب من بعدو يمكن تحكي هاد حكي رح يجي يوم وتنساه اذا ضل كل واحد فيهم بمكان بس الحب الي بالبها مو ممكن يتخيلو انسان وكانو كل الحب الي بالكون انوجد بالبها مشانو هو مو مشان حد تاني وعدتو تكون الو وما تكون لحد من بعدو وفضلت الموت على انها تكون لغيرو كان لما يسالها بشو بضحي مشاني تسكت وما اتجاوب لانها ما كانت اتحس انها ضحت مشانو بشي بس هلأ صار فيها تحكي انها ضحت بحالها وبكل العالم مشانو ومو ندمانة يا رب يجمعهم بيوم لانو حرام هيك حب يخسرو لانو حب كبير حب اول واخير

ادعولهم يجمعهم ربنا وما يخسرو حبهم
شو يعملو ؟ بحبهم ؟

تحياتي