قصة امل على لسان المقرب من صاحب القصه وبطلب المساعده

هادي القصة قصة صديقة
تعرفت على شخص وكانت تحكي معو كصديق وبعد فتره صار بينهم حب وما حكتلو ولا هو حكالها وتمر الايام وفي يوم اعترف الشخص بحبو الها واعطها مجال تفكر وتعرف ازا هي بتحبو او لاء
ومرت الايام وحكتلو انو بتحبو وطلب منها يشوفها ويحتفل بعيد ميلادها واول مره بشوف بنت وبطلع مع بنت وبحب بنت بهل شكر بجنون وبيوم عيد ميلادها احتفل معها واعترف بحبو الجنوني الها
وتمر الايام ويصير حبهم سنه وبهدي السنه صارت مشاكل
من قبل اهلها.
الي اسمها حنين قصتها ممكن يعيشها اي انسان
ربنا ابتلاه بالمرض ومو اي مرض لا مرض السرطان

حنين بنت عمرها 20 سنة بريئة متل براءة الاطفال بسيطة وما بتحب المشاكل
كل همها بالحياة انها اتحقق حلمها وتعيش مع الانسان الي اختارو قلبها
بوقت نست فيه انو في حب بالكون ... بنت كتير مجنونة بحبها وبتحب حبيبها
لدرجة الموت وعدتو انو اتكون الو وما تكون لغيرو بالرغم من انو كل شي بهادي
الدنيا نصيب.. وعدتو انو ما حد يسكن قلبها غيرو واعتبرت الحياة من دونو
موت ... صارت بينهم اشياء كتير حلوة وجمع الحب بينهم بقصة ممكن يعيشها اي
حد بس مو من الممكن انو يحس متل احساسها ....

عدت ايام من حبهم وايام وكل يوم بمر احلا من التاني لحتى اجى يوم
وافترقو .. والسبب اهلها .... صارت تعيش ايام كتير صعبة ما اتنام الا
ودموعها على خدودها وايام اتجف ادموعها وهي بتبكي وكانو بحر دموعها انتهى
صارت تتقرب من ربنا اكتر واكتر واتنام وهي تدعي انو ربنا يجمعها مع الي
بتحبو وانو يضل الحب بينهم ويكبر ...صارت اتعدي عليها ليالي سودة ومع هيك
ما فقدت الامل

وبيوم من الايام كانت مشتاقة كتير لحبيبها ... وفجأة فقدت احساسها
برجليها وايديها وكانو ما فيهم اي اعصاب وصار معها صداع متل صعقة الكهربا
بس رجعت عادية وحكت ببالها يمكن لاني تعبانة شوي .. خبت عن الكل وما حكت
لاي حد شو الي بصير معها وكانت اتروح على جامعتها بشكل طبيعي كل يوم بس
صارت هادي الحالة اتصير معها لحتى صار هاد الشي قدام اهلها الي ما حسو
عليها لانها كانت اتقضي وقتها بالبيت في غرفتها مع ذكرياتها وحنينها
لحبيبها

راحت عملت فحوصات كتير وضلت مستمرة بشكل عادي في حياتها لحتى طلعو
نتائج الفحوصات وطلع انو معها ورم بالدماغ يا رب يحمي الكل منو وعرفت حكمت
ربنا انو ما اراد يجمعها بالدنيا مع الانسان الي بتحبو حتى ما يتعذب معها
هو كمان حتى ما يعيش الالم الي بتعيشو هي كل يوم رح اتروح تتعالج ويا رب
ترجعلنا بالسلامة وربنا يجمعها مع الي بتحبو

بس يا الله اديش املها بالله كبير ودعت الكل بابتسامة داعية لربنا
انو ترجع ع الحياة من جديد انو تخلق مرة تانية بس بالحب القديم الي عرفت
معو طعم السعادة .. بس بالمقابل بتعيش ايام بطعم المرار .. مرار مرضها
والامر من هيك بعد حبيبها عنو الي نفسها اتشوفو لو مرة وتحكي معو حتى اذا
ما اراد ربنا انو ترجع ع الحياة تكون حكتلو ولاخر مرة انها بتحبو

وكمان حبيبها بموت فيها حتى لو هي مريضه وهو عرف انو مريضه وازدا حبو الها لانو بحبها بجنون بس كان الاهل السبب الي بعدهم عن بعض مو اهلو اهلها هي حنين اهلها مو قابلين على حبيبها مو عشان اخلاقو ولا عشان حياتو عشان سبب واحد انو هو من منطقه تاني غير عن المنطقه الي حنين منها وحاول وحاول واهلها رفضو وازدا رفضهم وسبو وغلطو عليه وهانو ونزلو كرامتو لارض بس هو بحبها ومستعد يضحي اكثر واكثر من هيك .
عشانها بس اهلها السبب هو اعطه وعد انو ما يشوفها او يحكي معها لانو ازا عرفو اهلها راح يصير بيهم دم
انشالله هادي القصه تتكلمو عنها في برنامج بلاذاعه ازا بتسمحو هو بجد هادي القصه حقيقيه وفي مجتمعنا
يا رب تشفيها يا رب وتجمع كل اتنين بحبو بعض واتاكدو انو ما في شي
مستحيل وطريق العاشقين ما بعرف المستحيل وحتى لو شاء القدر وافترق الي بحبو
بعض بس هاد مو يعني النهاية لا ... لانو في للقصة بقيه

ولو عفوا بس على فكره هادي القصه حقيقيه ومو زمان صارت



انشالله تتكلمو عليها ببرنامج في راديو